PAYIZ
Font:
Payızdır, yenə də göyün üzünü
Bozarıb qaralmış bulud alıbdır.
Ağsaçlı dağlara, günəşli düzə
Kədərli yorğanın duman salıbdır.
Yarpaqlar saralıb yerə tökülüb
Ağaclar soyunub çılpaq qalıbdır.
Nəğməkar quşların səsi kəsilib
Meşələr qüssədən fikrə dalıbdır.
Elə bil qəmlidir dağ da, bulaq da,
O da bu aylardan, yalqız olubdur.
Çəmənlər, çiçəklər bu şən oylaqda
Kim bilir nə zaman, haçan solubdur.
Arabir boylanıb günəş çıxsa da,
Torpağı, çəməni isindirmir o,
Dibçəkdə güllərim çiçək açsa da
Qəlbimi oxşayıb sevindirmir o.
Oxunub: 1889Şərhlər: 0
Bu məqaləyə fikir bildir və ya şərhlərə bax