XÜLASƏ
Məqalədə göstərilir ki, 2 №-li Şirvan stasionarı torpaqlarını xarakterizə еdərkən torpaqların su dinamikasının iqlim şəraitindən, yeraltı suların səviyyəsinin dəyişməsindən, süni suvarmadan, torpağın mexaniki tərkibindən və bitki örtüyünün növündən asılı olduğu nəticəsinə gəldik.
Torpaqların su dinamikasının illik gedişi göstərdi ki, bitkinin kök sisteminin yerləşdiyi qatda rütubətin miqdarı zonal şəkildə torpağın növ muxtəlifliyindən asılı olaraq dəyişir. Ayrı-ayrı torpaq növünün su dinamikasında umumi qayda olaraq bəzi dəyişikliklər müəyyən olundu. Belə ki, iqlim şəraitilə əlaqədar olaraq təsvir etdiyimiz bütün torpaq növlərinin 40-60 sm-lik üst qatı daha çox dəyişkəndir.
Xarakterizə etdiyimiz bəzi torpaq profillərinin orta hissəsində daimi quru qat olduğu muəyyən edildi.
